Naw Chwaraewr Met Caerdydd wedi'u Henwi yng Ngharfan Cwpan Rygbi'r Byd Merched Cymru

Mae naw chwaraewr presennol a chyn-chwaraewyr Met Caerdydd wedi'u henwi yng ngharfan Cwpan Rygbi'r Byd Merched Cymru, gan danlinellu enw da'r Brifysgol am gynhyrchu talent rygbi o'r radd flaenaf.

Mae cyhoeddiad y garfan yn gweld presenoldeb cryf gan Met Caerdydd, gyda'r cyn-fyfyrwyr Carys Phillips, Carys Cox (cyn gapten Met Caerdydd), Catherine Richards, Jazmine Joyce-Butchers, a Lleucu George i gyd yn sicrhau eu lleoedd. Yn ymuno â nhw mae'r fyfyrwraig bresennol Maisie Davies, y raddedig diweddar Molly Reardon, a chwaraewyr PDC Dwyrain Met Caerdydd Seren Lockwood a Tilly Vucaj.

Mae'r detholiad yn tynnu sylw at rôl rhaglenni Rygbi Perfformiad Prifysgol Met Caerdydd wrth ddatblygu athletwyr elitaidd, gan ddarparu llwybr o rygbi myfyrwyr i'r llwyfan rhyngwladol.

Dywedodd Lisa Newton, Prif Hyfforddwr Rygbi Merched ym Met Caerdydd: “Rydym yn hynod falch o weld naw cynrychiolydd o Met Caerdydd wedi’u dewis ar gyfer Cwpan Rygbi’r Byd. Mae’n gyflawniad gwych i bob chwaraewr ac yn dyst i’w hymrwymiad, eu gwydnwch a’u talent. Mae hefyd yn adlewyrchu cryfder ein llwybrau rygbi yma ym Met Caerdydd, o’n rhaglen Rygbi Perfformiad hyd at ein trefniant PDC Dwyrain. Allwn ni ddim aros i’w gwylio nhw’n cynrychioli Cymru ar y llwyfan mwyaf.”

Bydd ymgyrch Cwpan Rygbi'r Byd Merched Cymru yn cychwyn yn erbyn yr Alban ar Awst 23 yn Salford, Lloegr.